Dil Derd-i ‘Aşk-ı Yâr- Baki

Dil derd-i ‘aşk-ı yâr ile bezm-i belâdadur
Kad çeng ü nâle nây u ciger hûnı bâdedür

Ten hâk-i rehde dîde zülâl-i visâlde
Cân âteş-i fırâkda hâtır hevâdadur

Kuçmak nasîb olur mı miyânuñ kemer gibi
Cânâ niteki hançer-i hicrân aradadur

Ferzâne-i cihânsın o ruhlarla sen bu gün
Şâhân-ı hüsn atuñ öñince piyâdedür

Men’ eyleme yanuñca sürinsün ko sâyevâr
Bâkî kuluñ da pâdişehüm bir fütâdedür