Hüsn İle Saña Öykünemez Çün Gül-i Ra’nâ- Baki

Hüsn ile saña öykünemez çün gül-i ra’nâ
Hüzn ile baña beñzeyemez bülbül-i şeydâ

Cân almada nâzüklik ile la’lüñe söz yok
Hâlüñ dahı bir dânedurur fitnede ammâ

Tugrası berâtuñ yazılur ekseri altun
Rûyuñda kaşuñ zerd olur ise n’ola şâhâ

Bezm içre sürâhi gibi kan agladugum bu
Sâkî lebüñe kan yagı oldı mey-i hamrâ

İller yiye şeftâlûsını bâg-ı cemâlüñ
Ey sîb-zekan Bâkî nice bir diye eyvâ